Bigarren bizitza

Bai, badakit, azkenaldi honetan metabertsotik zeharo desagerturik nabil. Lurrak irentsi nauela dirudi, eta nolabait, hala da. Baina tira, gaur berri paregabe batekin natorkizue: Euskadi uhartea jaio da Second Lifen. Oso gainetik ikusi dut baina itxura ona dut. Nekazaleegia nire gusturako baina gure herriaren irudi horren kontra ez dago zer egiterik, antza denez.

Ea denborarekin edukiz eta giro onez betetzen den uhartea.

Momentuz disfruta ezazue gure lur zatitxo honetan topa daitezkeenak ikusten: http://slurl.com/secondlife/Euskadi/134/132/37 

Hostalia hosting enpresak honako prentsa oharra bidali dit, zuei zabaltzeko:

Hostaliak, hosting-zerbitzuak eskaintzen dituen Euskal Herriko enpresa nagusiak, bulegoa ireki du Second Life-n. Horrela, harreman-bide berria eskaintzen die bere bezeroei, baita egoitza berria ezagutu nahi duten bisitari guztiei ere. Kristalezko eta metalezko eraikin moderno bat da, 11.000 metro koadroko uharte liluragarri batean kokatua.
Argibide gehiago, hemen:
www.hostalia.com/second-life
Koordenatuak:
Atopa Rui - 51 / 173 / 22

Second Lifek duen xarmarik handienetakoa eraikitzeko posibilitatea da. Niri inbidia handia ematen didate 3 dimentsiotan eraikin bat sortzeko gaitasuna dutenak. Espazioaren menderaketa ez da sekula nire birtuteetako bat izan. Denbora hobeto menderatzen dut. Azken egunotan hirigintza mailan egin direnak bisitatzen ibili naiz. Eta benetan gauza ederrak topa daitezke metabertsoan zehar. Hiri erreala eta irudikatuaren nahasketak erakartzen nau. Metro eta kilometroen distortsioak.

Bat-batean, dena gertu dago, dena eskura.

Adibidez, Dublin.

Hau sorpresa, Ikatz Beck jaunak KZgunera eraman nau eta han aurkitu naiz Euskal Erkidegoko forma duen uharte batean. Bertan euskal kutsuko etxeak daude eta KZgune txiringito bat erdi-erdian. Lan galanta hartu dute eraikitzen, baina oraindik ez dakit edukiz bete ote duten. Gehiago ikertu beharko dut.

Hau duzue Slurl-a: http://slurl.com/secondlife/KZgunea/142/144/22

Eguneraketa: Wow! Kontxako barandilla eta estropadak!

Asturiarrek oso komunitate majoa daukate Second  Lifen. Beraien sedea hemen duzue, Aotearoan. Gaur harritu nauena zera da, euskaldunek pixkanaka Asturias txiki hau kolonizatu dutela. Bertan Labeineko bulego bat topa dezakezue, Seguros Bilbaoko beste bat, eta euskal produktuen postu bat ere badago bertan.

Beraz, El Cafetoneko festekin disfrutatzeaz gain (egunero dute aitzakiren bat), baduzue zertan galdu denbora ere bai. Lokalak dituzue alokatzeko, baina tamalez, prim muga oso baxua da. 15 prim bakarrik.

Noizko euskal lurralde bat?