Bigarren bizitza

Azken bolada honetan, kanping egiteaz zertxobait nazkaturik nabil eta lan probetxugarriagoak bilatzen ari naiz. Denbora gutxi eskatzen didaten lanak, noski. Lehenengo bizitza, lehenengo beti.

Beno eta ez zait batere gaizki joan, egia esan. Gutxi saiatuta bi lan desberdin topatu ditut. Alde batetik, itzultzaile gisa. Talde desberdinetan nago itzultzaile moduan eta ingelesetik espainolera itzultzeagatik ordaintzen didate. Lan polita da, momentuz Second Life-eri buruzko artikuluak itzuli ditut Hello Second Life aldizkarirako.

Itzulpen hauek egiteaz gain, Ella Sartre-ren itzultzaile taldean ere hartu naute. Hizkuntza askotarako itzulpenak egiten dira bertan. Ea zenbat lan eman didan honek... Badakizue, itzulpenak nahi izanez gero, IM bat bidali Ana Courier-eri. Hau da, niri.

Eta azkenik, Recruiter bezala ere kontratatu naute People Pool-en. Hau da, jendeari lana topatzen, elkarrizketak egiten, etab. egiteko. Ez da munduko lanik onena baina 60L$ ordaintzen dute orduro. Honen berri gehiago bihar izango dut.

Jarraituko dut informatzen...